Минæварттæ

см. Минæварттæ – перевод

I

Минæварттæ, минæвар лæгтæ хуыдтой ахæм лæгты, кæцыты фæрцы ирон æхсæнады фидауын кодтой хæрам чи хаста, ахæм бинонты æмæ сæ мыггæгты. Минæварттæ æвзæрстой хъæубæстæ, уымæн æмæ быцæуы фарста тагъддæр алынг кæнын уыдис хъæубæсты пайдайæн. Минæварттæ æвзæрст цыдысты хъæубæсты æппæты кадджындæр, номдзыддæр адæмы æхсæнæй. Минæварттæ хъуамæ быцæугæнæг бинонтимæ хæстæгиуæг ма кодтаиккой. Арæх-иу афтæ рауадис, æмæ быцæуы аххосджыныл нымад цы бинонтæ цыдысты, уыдон-иу бафидауын куы бафæндыд, уæд-иу сæхæдæг хъæубæсты кадджындæр лæгтæй искæмæ æрхатыдтой. Цæмæй æфхæрд баййафæг бинонтимæ баныхас кæныны хъуыддаджы æхсæны лæджы хæс йæхимæ райса. Гæнæн уыдис, æмæ æфхæрд баййафæг бинонтæ аххосджын бинонты минæварттæ (кæнæ минæвæрттæй искæмæ) разыйы цæстæй ма ракæсой, æмæ-иу уæд уыдон бæсты загътой, сразы уæвæн кæимæ уыд, ахæм æндæр лæгты.

II

– фыдæлтыккон чындзхасты æгъдæуттæм гæсгæ афтæ хуыдтой фидауджыты. Минæварттæ æвзæрст цыдысты кадджындæр хæстæджытæй, арæхдæр усгуры мады ‘фсымæртæ, æмæ хъæубæсты дзырддзæугæ лæггы ‘хсæнæй, цæмæй сын æхсæнады цы кад уыдис, уый чызджы ныййарджыты разыйы дзуаппыл сахада. Минæварттæ раст æвзæрст æрцыдысты æви нæ, уыимæ æнгом баст уыдис æрмæст бафидауыны хабар нæ, фæлæ чындзæхсæвы агъоммæйы æппæт хъуыддæгтæ банывыл кæнын дæр, уымæн æмæ уыцы рæстæг, хъуамæ æххæстгонд чи ‘рцæуа, уыцы фæтк æмæ æгъдæуттæ бирæ вæййынц.

кæс Ирон адæмы этнографи æмæ мифологи